Imana yongeye gukorera igitangaza undi muryango w’umu pasiteri (AMAFOTO)

Umuryango w’umuvugabutumwa Pastor Rev.Dr  Wisdom Asefole n’umufasha we Ufuoma bari mu byishimo nyuma yo kwibaruka abana batatu b’impanga bari bategereje imyaka irenga 23 barabuze urubyaro.

Abo mu muryango w’uyu muvugabutumwa n’abo ayobora mu itorero basangije ibyishimo byabo imbaga y’abantu ku rubuga rwa facebook ,bagaragaza ko bashimishijwe n’umugisha Imana yahaye Pasiteri wabo.

Uwitwa Blessing Ugbede yagize ati:” Nyuma y’imyaka 23 yo gutegereza bihanganye kandi bizeye Ipaki y’umugisha wabo irangiye ihageze , Ese Imana yacu si iyo kwizerwa? Nshuti zanjye mumfashe duhe Imana icyubahiro kubwa pasiteri wanjye n’umufasha we mwiza”

Dr Wisdom usanzwe ari umuyobozi w’itorero Chariot of God’s Fire and Healing Church riherereye Ofor-Udu, Delta State mu gihugu cya Nigeria n’umufasha we bibarutse kuwa kane tariki 2 Werurwe 2023 .