THIERRY Mugiraneza
Mu mpera zicyi cyumweru kuva kuwa gatanu kugeza kuwa gatandatu hakinwaga imikino ya Championa y’ikiciro cya mbere mu mupira w’amaguru mu Rwanda umunsi wayo wa 14.
Muri iyi nkuru tugiye kugaruka kuri bimwe mu byaranze umunsi wa 14 harimo kongera kugaragurika kwa Rayon Sports igaraguwe na mucyeba wayo w’ibihe byose ndetse ni nigwa rya Police inizwe na Mukura i Butare.
Ibyaranze Championa kuwa gatanu:
_ Kuwa gatanu nibwo umunsi wa 14 wa Championa watangiye maze AS Kigali itsinda Gorilla Football Club igitego kimwe ku busa cyatsinzwe na Félix Lotin ku mukino wari wabereye kuri sitade ya Kigali i Nyamirambo. Kuwa gatanu Kandi ikipe ya Marine Football Club yanganyije na Sun rise football club ibitego bibiri kuri bibiri.
Umunsi wa 14 wongeye gukinwa kuwa gatandatu maze urangwa n’ibi:
_ Kuwa gatandatu i saa Kenda zuzuye kuri sitade ya Kigali i Nyamirambo imbere y’abafana bakabakaba ibihumbi icumi barimo na Miss Umutesi Jolly wabaye nyampinga wu Rwanda muri 2016, Rayon Sports yakubiswe na APR Football Club igitego kimwe ku busa cyatsinzwe na Bizimana Yannick ku munota wa 74.Abafana bongera kwibaza amaherezo yo kuba Rayon Sports yaribagiwe gutsinda APR FC uko bisa.
_ Ibirori bya ruhago sibyari i Kigali gusa kuko ni Huye kuri sitade ya Huye ikipe y’igipolisi cy’u Rwanda yanigwaga na Mukura Victory Sport iyitsinda igitego kimwe ku busa cyatsinzwe na Robert Mukogotya ku munota wa 1 w’umukino , abasore ba Mashami Vincent bahigahiga uburyo bakwishyura ariko biranga birangira amanota asigaye i Butare.
_ kuwa gatandatu Kandi ikipe ya Kiyovu Sport yikuye I Ngoma kuri hamana ubwo yatsindaga Rwamagana Ibitego bibiri kuri kimwe.
_ Kuri uwo munsi kandi ikipe ya Espoir Football Club yakomeje kujya ahabi ubwo yatsindwaga na Etincelles Football Club ibitego bibiri ku busa. Mu gihe Gasogi United yo yajyaga kwikurira amanota i Rubavu ubwo yatsindaga ikipe ya Rutsiro Football Club igitego kimwe ku busa mu mukino wari wabereye kuri sitade Umuganda.
Uko umunsi wa 14 usize urutonde rwa Championa ruhagaze:
1. AS KIGALI ifite amanota 30.
2. RAYON SPORTS ifite amanota 28.
3. APR FC n’ayo ifite amanota 27.
4. KIYOVU Sports ifite amanota 27.
5. GASOGI Utd ifite amanota 25.
6. Etincelles FC ifite amanota 22.
N’aho amakipe ari ahabi ni MARINES ya 15 ifite amanota 7 n’umwenda w’ibitego 13 na
ESPOIR FC iza ku mwanya wa 16 n’amanota 7.
