THIERRY Mugiraneza
Ikipe y’igihugu ya Benin y’umupira w’amaguru yasesekaye ku kibuga cy’indege cya Kigali i Kanombe mu iri joro ryo kuwa mbere.
Ni ikipe ya Benin yari yarabanje gusaba ko itaza gukina umukino wo kwishyura na Amavubi kuko yavugaga ko i Huye hatujuje ibisabwa ariko nyuma CAF itangaza ko umukino uzakinirwa kuri Kigali Pelé Stadium ugakinwa nta bafana bari muri sitade.
Muri iri joro ryo kuwa mbere nibwo itsinda rigizwe n’abakinnyi, abatoza n’abandi bageze ku kibuga cy’indege cya Kigali i Kanombe aho baje gukina umukino wa kane mu itsinda L mu gushaka itike y’igikombe cy’Afurika cya 2023.
Amashusho ubwo Benin yageraga i Kanombe
Biteganyijwe ko Benin icumbika kuri hoteli y’ubatse mu Kiyovu mu Karere ka Nyarugenge mu mujyi wa Kigali, ikazakina umukino kuwa Gatatu ukabera kuri Kigali Pelé Stadium.
