Ikipe ya Real Madrid na Fc Barcelona zashimishijwe bikomeye n’icyemezo cya UEFA(Iyumvire)

Mu nkuru yacu iheruka http://www.yegob.rw/bwambere-mu-mateka-ikipe-ya-real-madrid-na-fc-barcelona-zihuje-kugirango-zigambanire-indi-kipe-ikomeyeinkuru-irambuye/ nibwo twabagejejeho inkuru yuko ikipe ya Fc Barcelona na Real Madrid zahuje umugambi wo kugambanira ikipe ya PSG zikayirega kwirengagiza no kwica nkana amabwiriza agenga isoko ry’igura n’igurisha ry’abakinnyi(Uefa Financial Fair Play). Muri iki gitondo rero nibwo inkuru izindukiye ku rubuga rwa UEFA.COM rwatangaje ko rugiye gushyira mu bikorwa ubusabe bw’aya makipe ndetse atari yonyine kuko nandi makipe menshi yo ku mugabane w’iburayi cyane cyan ayo mu budage yari yahagurukiye nayo kurega ikipe ya PSG.

Nkuko UEFA yabitangaje, akanama gashinzwe gukurikirana isoko ry’abakinnyi kakaba katangaje ko kagiye gutangira iperereza ku mabwiriza y’isoko ry’abakinnyi ryabaye mu ikipe ya PSG ku mukinnyi Neymar jr na Kylian Mbappe bombi batwaye Miliyoni 400 z’amayero kugirango berekeze muri iyi kipe, mu gihe iyi kipe yo itarekuye abakinnyi banahagaze byibura Miliyoni 200. Mu gihe bahamwa n’iki kirego, iyi kipe ishobora kuzahura n’ibihano bikakaye birimo no kwamburwa amanota mu mikino ya UEFA CHAMPIONS LEAGUE bazitabira. Tukaba dutegereje kureba niba ubu busabe bw’aya makipe buzahabwa agaciro.