Ikipe ya Rayon Sports yavunikishije abakinnyi bayo 2 yagenderagaho barimo myugariro wayo warugarutse mu bihe bye byiza

Ikipe ya Rayon Sports nyuma yo gustindwa na Police FC, yahise ivunikisha abakinnyi 2 yagenderagaho muri iyi minsi nubwo bitameze neza.

Ibi byabaye mu mukino ikipe ya Rayon Sports yatsinzwemo ibitego 4-2, ariko uyu mukino ntabwo wahiriye ikipe ya Rayon Sports kubera ko yahise ivunikisha Mitima Issac ndetse na Hakizimana Adolphe bose basohotse mu kibuga umukino utarangiye.

Ntabwo ikipe ya Rayon Sports yaherukaga ibi bihe byo gutakaza abakinnyi mu mikino itandukanye benshi bahise batekereza ko bishobora gutuma yongera gusubira mu bihe yari imaze igihe yaribagiwe byo gutsindwa.

Kugeza ubu ntabwo haramenyekana igihe aba bakinnyi bazamara hanze y’ikibuga ariko ukurikije amagambo umutoza yatangaje ubona ko igihe baramara kiraba atari igihe kinini cyane ariko ntabwo biraza koroha mu gihe iyi kipe yabura Adolphe ndetse na Mitima bari bamaze igihe ubona ko bazamuye urwego ndetse kandi bakanayifasha kubona intsinzi.