Ikipe ya Rayon Sports izakina na Police FC idafite abakinnyi 2 bakomeye bari bamaze iminsi bakora ibitangaza muri Shampiyona

Ikipe ya Rayon Sports yari imaze iminsi ntabibazo ifite mu bakinnyi bayo, igiye gukina na Police FC idafite abakinnyi 2 bari bamaze iminsi bayihesha amanota.

Ikipe ya Rayon Sports imaze igihe ikora imyitozo nyuma yo gusubikirwa Shampiyona, izakina n’ikipe ya Police FC idafite abakinnyi 2 aribo Willy Essomba Onana ndetse na Ganijuru Ellie kubera kuza amakarita 3 y’umuhondo abategeka gusiba umukino umwe.

Ntabwo bishobora korohera ikipe ya Rayon Sports ubwo izaba ikina na Police FC imeze neza muri iyi minsi mu gihe idafite aba bakinnyi ba 2 byagaragaye ko bari mubayifasha cyane kubona instinzi mu gihe yabaga ikenewe cyane.

Tariki ya 1 Mata 2023, nibwo uyu mukino uzaba hagati ya Rayon Sports na Police FC mu mukino w’umunsi wa 25 wa Shampiyona ubere kuri Sitade mpuzamahanga ya Muhanga.