Ikipe ya Rayon Sports itegereje abakinnyi 2 b’ibikurankota baje gusinya amasezerano y’imyaka 2 

Ikipe ya Rayon Sports itegereje abakinnyi 2 bakomeye cyane baje gusinya amasezerano y’imyaka 2 nyuma yo gufasha ikipe yabo y’igihugu cy’u Burundi.

Hashize igihe ikipe ya Rayon Sports ifite ikibazo cy’amafaranga ari nacyo gikomeje gutuma idasinyisha abakinnyi Kandi habura iminsi micye bakaba bamaze gutanga urutonde muri CAF. Uruganda rwa SKOL rusanzwe rubatera inkunga rwemeye gufasha Ikipe ya Rayon Sports muri iki gihe cyo kugura abakinnyi ariko kugeza ubu ntamakuru yo guhabwa amafaranga kw’iyi kipe ahari.

YEGOB twamenye ko ikipe ya Rayon Sports nubwo bivugwa ko ifite ikibazo cy’amafaranga, itegereje abakinnyi 2 bakomoka mu gihugu cy’u Burundi barimo Bigirimana Abedi ndetse na Nshimiyimana Ismael Pitchou bose bari mu ikipe y’igihugu kugeza ubu.

Ikipe y’igihugu y’u Burundi ifite umukino uyu munsi ariko biteganyijwe ko aba bakinnyi 2 nibamara gukina uyu mukino ntabwo basubirana n’abandi bakinnyi mu Burundi ahubwo barahita bagaruka hano mu Rwanda gutwara amafaranga yabo bamaze kumvikana na Rayon Sports bakabona gusinya amasezerano y’imyaka 2. Aba bombi biravugwa ko Gikundiro irabatangaho Milliyoni 55 z’amanyarwanda.

Ikipe ya Rayon Sports irabura iminsi 10 gusa ikaba yamaze gutanga urutonde rw’abakinnyi n’abatoza izakoresha mu mikino ya CAF Confederations Cup. Kugeza ubu ntiharamenyekana abakinnyi iyi kipe izakoresha bashya ndetse n’abasanzwe, ibintu budasanzwe ubundi muri Rayon Sports.