Ikipe ya Rayon Sports ipfunyikiye Bugesera FC, bihita bituma APR FC itangira guhinda umushyitsi

Ni umukino watangiye ku isaha ya saa cyenda z’amanwa, uhuza ikipe ya Rayon Sports n’ikipe ya Bugesera FC warangiye ikipe ya Rayon Sports 2-0.

Uyu mukino watangiye ikipe ya Rayon Sports yataka cyane mu buryo bukomeye cyane ko yari izi ko amakipe ari imbere yitwaye neza nubwo yo yasigwaga amanota 6 n’ikipe ya mbere yagombaga gushaka uko igabanye iki cyinyuranyo.

Iyi kipe ya Rayon Sports byaje no kuyihira ibona igitego mu gice cya mbere gitsinzwe na Rutahizamu Willy Essomba Onana aza kuyifasha iki gice kirangira Rayon Sports iyoboye n’igitego 1-0.

Igice cya kabiri ikipe ya Rayon Sports yagarutse ikomeza kwataka cyane Ari nako bikomeza kuyihira iza kubona igitego cya kabiri gitsinzwe na Moussa Essenu arobye neza umuzamu Nsabimana Jean De Dieu uzwi nka Shauline ufatira ikipe ya Bugesera FC bihita bituma Rayon Sports ikomeza kuyobora umukino n’ibitego 2-0.

Umukino waje kurangira Ikipe ya Rayon Sports yitwaye neza bituma ihita yegera ikipe zirimo APR FC, Kiyovu Sports zifite amanota 53 nayo ihita igira amanota 49, bivuze ko isi kipe zirimo kuyirusha 4 gusa.