Ikipe ya Rayon Sport ikomeje gushimangira ko uyu mwaka gahunda ari igikombe kuko nta mikino ifite

Shampiyona y’umupira w’amaguru mu Rwanda kuri uyu munsi yari yakomeje gusa umukino wari utegerejwe na benshi ni umukino wahuzaga ikipe ya Rayon Sports n’ikipe ya Sunrise umukino wabereye kuri Stade ya Nyamirambo.

Umukino wabereye ku itara kuko watangiye 18:00 z’umugoroba ikipe ya Rayon Sports ibifashijwemo n’umusore wayo Ndekwe Bavakure Fèlix ku munota wa 64 yatsindiye igitego ikipe ye ari nacyo cyabonetse muri uyu mukino maze biza kurangira ari igitego 1 cya Rayon Sports ku busa bwa Sunrise.

Rayon Sports ikomeje gushimangira ko ishaka igikombe cya Shampiyona kuko ikomeje kuyobora urutonde rwa shampiyona yu Rwanda mu gihe izindi kipe bahanganiye igikombe zo ziri gutakaza umunsi ku munsi ni mugihe ikipe ya Rayon Sports yo nta mukino n’umwe iratakaza kuko ifite amanota 18/18.