HARAGIRIMANA Dieudonne
Ikipe ya Manchester United ntago iragura bihagije ku buryo imbaraga zakwiyongera muri saison nshya igiye gutangira niko umutoza Jose MOurinho abibona nyuma yo kugura umusore Romelu Lukaku ndetse na Victor Lindelof hakagenda ariko kizigenza Wayne Rooney na Zlatan Ibrahimovic bombi bagendeye ubuntu.
Mu kiganiro n’itangazamakuru Jose Mourinho yakomeje avuga ko akunze ikipe afite ubu n’umwuka mwiza urimo ko ariko akeneye akeneye abandi bakinnyi nka babiri nubwo azi neza ko ibintu byo kugura bitaba byoroshye bitewe n’amafaranga ko atabonye babiri n’umwe yamwemera ariko akabona undi mukinnyi.
Nubwo Jose Mourinho nta zina yatangaje ku bakinnyi yifuza nyamara amazina akomeje kuza imbere mu bo Man Utd ishaka ni Ivan Perisic wa Inter Milan ndetse na Nemanja Matic wa Chelsea wazanywe na Special One muri iyi kipe ya The Blues.Jose Mourinho kandi nk’uko bitangazwa na Goal yaba yaravuganye na Gareth Bale mu mukino wahuje Real Madrid na Manchester United ku cyumweru,amahirwe y’uko Bale yagaruka mu Bwongereza akaba ari menshi cyane.
