Ikipe ya Chelsea yongereye umukeba wayo Arsenal agahinda iyisahura umukinnyi ukomeye(inkuru irambuye)

Ku wa gatandatu ushize nibwo ikipe ya Arsenal yakubitiwe ahareba inzega n’ikipe ya Liverpool ibitego 4-0, aho ikipe ya Arsenal yagaragaje ko iyi saison hari byinshi idashoboye kandi isabwa guhindura byihuse cyane cyane ibijyanye n’abakinnyi, gusa mu ijoro ryakeye nibwo hamenyekanye inkuru yuko ikipe ya Chelsea, umukeba ukomeye wa Arsenal yamaze kumvikana n’umukinnyi w’iyi kipe yashakishaga ku buryo bukomeye bikaba binitezwe ko mu mpera z’isoko ry’abakinnyi uyu musore agomba kuba yamaze kwerekeza i Stamford Bridge.

Sky sport niyo yatangaje iyi nkuru bwambere ko umukinnyi Alex Oxlade Chamberlain yamaze kumvikana n’ikipe ya Chelsea ku kayabo ka Miliyoni 35 z’amapound yose, ndetse uyu musore akaba yemerewe na Chelsea kuzajya ahembwa ibihumbi 180 by’amapound ku cyumweru. igisigaye nuko uyu musore akora ikizamini cy’ubuzima ndetse akanashyira umukono ku masezerano y’imyaka 4 yose hamwe n’iyi kipe ya Chelsea fc.