HARAGIRIMANA Dieudonne
Ku mukino wa kabiri w’amatsinda ya UEFA CHAMPIONS LEAGUE nibwo ikipe ya PSG yaje kwandagaza Bayern Munich ikayitsinda ibitego 3-0, bigahita biviramo umutoza Carlo Ancelotti kwirukanwa, kurubu ubuyobozi bw’ikipe ya Bayern nkuko Karl-Heinz “Kalle” Rummenigge umuyobozi mukuru wa Board ya Bayern yabitangaje bakaba bamaze kumvikana bundi bushya n’umutoza wahoze atoza Bayern Munich kuba yagaruka akabavana mu rwabanyanga.
Josef “Jupp” Heynckes uwahoze atoza iyi kipe ya Bayern Munich mbere yuko asezera agasimburwa na Pep Guardiola nkuko tubikesha ikinyamakuru ESPN akaba yamaze kwumvikana n’ubuyobozi bwa Bayern Munich kugirango aze kuyobora iyi kipe ku buryo bw’agateganyo. Uyu mugabo akaba atarabyemera neza gusa bikaba bivugwa ko yamaze kumvikana na Bayern Munich binyuze mu buyobozi bwayo ko yazayifasha kugeza iyi saison irangiye. Tukaba dukomeje kubakurikirana ibizakurikiraho.
