HARAGIRIMANA Dieudonne
Ikipe ya APR FC yateguye umukino wa gishuti n’ikipe ya Mukura Victory Sports nyuma yaho Aya amakipe yose atangiye imyitozo.
Ikipe ya APR FC imaze icyumweru itangiye imyitozo yitegura umunsi wa 25 wa Shampiyona uzatangira tariki ya 31 werurwe 2023. Iyi kipe ikomeje kwerekana ko ishaka igikombe cyane, nubwo hari abakinnyi bagiye mu ikipe y’igihugu ariko abandi bose bameze neza cyane.
Amakuru yizewe dukura mu ikipe ya APR FC ni uko iyi kipe yamaze kwandikira ikipe ya Mukura Victory Sports isaba ko bakina umukino wa gishuti kuri uyu wa gatanu w’iki cyumweru kandi iyi kipe nayo yamaze kwemere ahubwo igisigaye ni ukwemeza aho umukino uzabera.
Ikipe ya APR FC irakicaye ku mwanya wa mbere n’amanota 49 ikurikiwe na Kiyovu Sports ifite amanota 47 ndetse na Rayon Sports ifite amanota 46.
