Ikipe iri muzihatanira igikombe uyu mwaka yatanze ikirego muri FERWAFA kubera kwibwa

Abasifuzi bakomeje kuba iciro ry’imigani nyuma yo kujya bakora ibintu ntibyishimirwe n’amakipe menshi kandi aribo bagomba gucyemura impaka.

Ku cyumweru muri iyi wikendi ishize, hakomezaga imikino y’umunsi wa 13 wa Shampiyona hakinwa imikino myinshi, muri iyo mikino ikipe ya Mukura Victory Sport yatsinzwemo na Bugesera FC igitego 1-0.

Uyu mukino ikipe ya Mukura Victory Sport ntabwo yishimiye imisifurire y’umusifuzi FERWAFA yabahaye bitewe n’igitego cy’iyi kipe yanze ndetse akaza no kwimana Penalite abayobozi ba Mukura Victory Sport bavuga ko yariyo, gusa ukurikiye amashusho neza ubona ko Boubakar Akuki yaguye ntamuntu umukoze ho byatuma habaho gutanga Penalite.

Amakuru YEGOB yamenye ni uko iyi kipe nyuma yo kutishimira ibyaranze uyu mukino yanditse ibaruwa irega umusifuzi wabasifuriye, basaba FERWAFA ko yahereza ibihano uyu musifuzi kubera ko yabibye bikagaragara cyane.

Ikibazo cy’abasifuzi bakomeje kwibazwaho n’amakipe menshi, no mu minsi ishize byavuzweko ikipe ya Rayon Sports yari yanditse ibaruwa irega abasifuzi basifuye umukino batsinzwemo na Musanze FC ariko nyuma yo kuvugwa cyane ibaruwa sibayishyikiriza ishyirahamwe ry’umupira w’amagura hano mu Rwanda FERWAFA.