M.Ben
Kuri uyu wa Gatandatu nibwo ikipe ya Rayon Sports na Intare Fc bitabye Ferwafa nyuma yo kubahamagaza.
Bahamagajwe ku kibazo bafitenye aho Intare Fc zitemera uburyo Rayon Sports yigaruye mu irushanwa kandi yarasezeye bityo bigatuma Ferwafa ibasaba gukina umukino wo kwishyura mu gikombe cy’amahoro kandi bo bazi ko bakomeje.
Muri uko kubahamagaza ngo basanze Ferwafa idafite amakuru ahagije kuri icyo kibazo nk’uko bitangazwa n’ikinyamakuru IGIHE.
Umunyamakuru Sam Karenzi we yavuze ko Intare zasabye umwanzuro wa Komisiyo ushinzwe amarushanwa, Ferwafa yavuze ko yatesheje agaciro ikirego icy’intare cyo gusaba ko itakina na Rayon Sports kandi yarikuye mu irushanwa, gusa uwo mwanzuro waje kubura.
Nyuma y’ibura ry’uwo mwanzuro, Ferwafa yahise isubika iyo nama maze yanzura ko bazakomeza ibyo ku wa mbere saa yine za mu gitondo.
