HARAGIRIMANA Dieudonne
Vidisha Balvan, uyu mukobwa ukomoka mu Buhinde akaba ariwe wabaye Miss w’abafite ubumuga bwo kutumva ku isi, akaba akiri muto ariko akaba amaze kubaka izina mu bice byose by’ubuzima.
Uyu mukobwa akaba yaraherewe rino kamba mu gihugu cya Afurika yepfo mu minsi yashyize, usibye kuba ari umuntu ufite ubumuga bwo kutumva ariko ubwiza bwe bwakomeje gutungura benshi.
Ku munsi wo kuwa gatandatu nibwo mu ntara y’amajyepfo hagaragaye umukobwa wari waje guhatanira ikamba rya Miss Rwanda 2022 ndetse akanaza gukomeza mu kiciro gikurikiraho.
Mu gihe abantu benshi bumvaga ko amarushanwa y’ubwiza agomba kujyamo abantu beza kandi badafite ubumuga ubwo aribwo bwose, abantu batunguwe no kubona hari umukobwa wakwiyamamariza kuba Miss, ariko hari irushwanwa ryaharuwe abakobwa bafite ubumuga bwo kutumva ryiswe Miss Deaf World.
Iri rushanwa rikaba atari ryo ryonyine ahubwo hakaba hariho n’irindi ry’itabirwa n’abagabo bafite ubumuga bwo kutumva ryitwa Mister Deaf World, aya marushanwa yose akaba yarashyizweho mu buryo bwo gushishikariza abantu bafite ubumuga gutinyuka bagaharanira uburenganzira bwawo kuko nabo ari abantu.
Aya marushanwa akaba ategurwa buri mwaka ndetse guhera mu mwaka wa 2001 akenshi akaba akunda kubera mu mujyi Prague mu gihugu cya Zcheck Republic, usibye ayo mu mwaka wa 2019 yabereye muri Afurika y’epfo ari naryo ryegukanwe na Vadisha Balvani.
