HARAGIRIMANA Dieudonne
Ikipe ya Real Madrid iri mu bihe byayo byiza nyuma y’ imyaka ibiri itwara ibikombe byo kumugabane w’uburayi, ndetse nyuma yo gutwara igikombe cya Champiyona cy’umwaka ushize, abafana b’iyi kipe basabye ubuyobozi ko bwagumana abakinnyi bose babafashije muri uru rugendo rwari rukomeye, bityo ibyifuzo byabo bikaba byabaye impamo.
Amakuru aturuka mu gihugu cya Espagne dukesha ikinyamakuru AS aravuga ko ubuyobozi bw’ikipe ya Real Madrid bwamaze gufata icyemezo cyo kongerera amasezerano abakinnyi bayo barindwi biyongeraho n’umutoza Zinedine Zidane. Abo bakinnyi bagiye kongera amasezerano mu ikipe ya Real Madrid barangajwe imbere na Francisco Román Alarcón Suárez uzwi nka Isco, Marcelo, Varane na Carvajal bazongera kugeza muri 2022, hakazamo karim Benzema, Lucas Vasquez na Sergio Ramos nabo bazageza mu mwaka wa 2021. Ibi akaba aribyo abakunzi ba Real Madrid bari bifuje na mbere yuko bongera kugura undi mukinnyi.
