THIERRY Mugiraneza
Argentina itsinze Poland Ibitego bibiri Ku busa mu mukino wanyuna w’igikombe cy’Isi wo mu itsinda C.
Abakinnyi babanjemo Ku ruhande rwa Poland:
Uyu mukino warangiye ku isaha ya saa tatu z’ijoro ubera kuri Stadium 974.
Poland XI: Szczesny; Bereszynski, Glik, Kiwior, Cash; Frankowski, Bielik, Krychowiak, Zielinski; Swiderski; Lewandowski.
Abakinnyi babanjemo ku ruhande rwa Argentina:
Argentina XI: Martínez; Molina, Romero, Otamendi, Acuña; De Paul, Enzo Fernández, Mac Allister; Messi, Julián Álvarez, Di María.
Umukino watangijwe n’abakinnyi ba Argentina bidatinze ku munota wa 1 babona koroneli ariko bayiteye Otamendi wa Argentina atera umupira yuriye umukinnyi wa Poland umusifuzi asifura ikosa.
Ku munota wa 4 gusa Poland nayo yasatiriye izamu rya Argentina ariko Rodrigo de Paul aragoboka.
Messi wasanga nkuwariye Amavubi ku munota wa 9 yongeye gutera ishoti ariko Szczesny umuzamu wa Poland awushyira muri koroneli.
Ku munota wa 18 Messi yongeye gucomekera umupira mwiza Acuña ariko atera agapira kataremereye akoresheje umutwe kagwa mu biganza bya Szczesny.
Ku munota wa 20 Poland yabonye ariko bayitera nabi.
Ku munota wa 23 Argentina yabonye Indi koroneli ariko Dimaria ayitera nabi ntiyajyira umusaruro itanga.
Argentine ku munota wa 28 yongeye guhusha igitego ubwo Acuña yateraga umupira uremereye yarahawe na Dimaria ariko akawutera ku ruhande rw’izamu.
Ku munota wa 32 Dimaria yateye koroneli yijyanamo ariko Szczesny umuzamu wa Poland awukubita igipfunsi arawurenza.
Ku munota wa 37 Szczesny umuzamu wa Poland yakoze mu maso Messi maze umusizi yemeza ko ari penaliti.
Messi yateye penaliti maze Szczesny ayikuramo neza cyane.
Mu minota 3 bongeyeho nk’inyongera ngo igice cya mbere kirangira Poland yabashije kwirwanaho birangira ari ubusa ku busa.
Igice cya kabiri cyatangiye Argentina ishaka igitego bidatinze ku munota wa 46 Mac Allister yatinze igitego cya mbere cya Argentina.
Argentine yongeye kugerageza gutsinda igitego ubwo Messi yahaga umupira Mac Allister ariko umuzamu Czczney ahita awufata bitamugoye.
Umukino wageze Ku munota wa 63 Argentina imaze gutera koroneli umunani kuri ebyiri za Poland.
Argentine yaje gutsinda igitego cya kabiri ku 68 munota wa cyatsinzwe na Julian Alvarez ku mupira yarahawe na Enzo Fernández.
Ku munota wa 73 Alvarez yahushije igitego kidahushwa ubwo Messi yamucomokeraga umupira mwiza ariko Alvarez akawutera nabi ukajya hanze.
Iminota 90 isanzwe y’umukino yarangiye umusifuzi yongeraho iminota Itandatu y’inyongera.
Mu minota itandatu y’inyongera Argentina yabonye amahirwe yo gutsinda igitego cya gatatu ariko Tagliafico ntiyabasha gutsinda.
Umukino warangiye Argentina itsinze Poland Ibitego bibiri Ku busa.
Muri iri tsinda hazamutsemo amakipe abiri ajya muri 1/8 ariyo Arigantine na Poland.
