in

Igikombe cy’isi: Portugal inize Uruguay biyiha amahirwe yo gukomeza

Wari umukino w'ishyaka ryinshi

Portugal itsinze Uruguay ibitego bibiri ku busa mu mikino wa kabiri wo mu itsinda H mu gikombe cy’isi.

Bruno Fernandes yishimimana na Ronaldo

Abakinnyi babanjemo ku ruhande rwa Portugal:
Portugal XI: Diogo Costa; Cancelo, Rúben Dias, Pepe, Mendes; Neves, Carvalho; Bernardo Silva, B. Fernandes, João Félix; Cristiano Ronaldo.
Umukino watangiye ku isaha ya saa tatu z’ijoro ubera kuri Lusail Stadium.
Wari umukino w’ishyaka ryinshi

Abakinnyi babanjemo ku ruhande rwa Uruguay:
Uruguay XI: Rochet; Coates, Godín, Giménez; Varela, Bentancur, Vecino, Olivera; Valverde; Cavani, Darwin Núñez.
Umukino wasifuwe n’umusifuzi ukomoka muri Iran ,abasore ba Uruguay nibo batangije umukino.
Ku munota wa 3 abasore ba Portugal batangiye gushaka igitego ku mupira mwiza Ronaldo yahaye Mendez ariko awutera hejuru y’izamu.
Ronaldo aba ahanzwe amaso

Ku munota wa 5 Rodrigo Bentacur wa Uruguay yahawe ikarita y’umuhondo azira gukandagira Ruben Diaz.
Ku munota wa 7 Bruno Fernandes yateye ishoti riremereye ashaka gutungura umuzamu wa Uruguay ariko aritera kure y’izamu.
Uruguay nayo yatangiye gusatira ku munota wa 11 Giménez yateye umutwe ariko umupira uca hejuru y’izamu.
Bruno Fernandes yishimira igitego

Uruguay yakomeje ishaka igitego ku munota wa 32 Bentacur yacenze ba myugariro ba Portugal yinjira mu rubuga rw’amahina ateye ishoti Diogo Costa ufatira Portugal arahagoboka umupira arawufata.
Bentacur yongeye guha umupira mwiza Nunez ku munota wa 35 ariko awutera hanze urarenga.
Ku munota wa 41 Nuno Mendez wa Portugal yaje kuvunika ava mu kibuga asimburwa na Raphael Guerrero.

Mathias Olivera wa Uruguay ku munota wa 44 yahawe ikarita y’umuhondo azira kubuza Bruno Fernandes gutera umupira.
Igice cya mbere cyarangiye amakipe yombi anganya ubusa ku busa.
Igice cya kabiri cyatangiye ubona Portugal ishaka gutsinda kuko ku munota wa 51 Joa Felix ariko awutera inyuma.
Portugal ku munota wa 54 yabonye igitego cya mbere cyatsinzwe na Bruno Fernandes.
Bruno watsinze Ibitego bibiri mu mukino

Uruguay yatangiye gushaka uburyo bwo kwishyura igitego yari yatsinzwe ku munota wa 58 Nunez atera agashoti gato umuzamu arakaryamira.
Portugal yaje gukora impinduka ikuramo Neves hinjiramo Rafael Leao.
Umutoza wa Uruguay yakuyemo Cavani na Darwin Nunez ashyiramo Suarez na Gomez mu rwego rwo kongerera ubusatirizi imbaraga.
Uruguay yatangiye gushaka igitego ku bubi n’ubwiza ku munota wa 74 yateye ishoti riremereye ariko umupira ukubita igiti k’izamu uragaruka.
Ronaldo yishimira umusaruro wa Bruno

Ku munota wa 77 Lui Suarez yahushije igitego ku mupira mwiza waruvuye muri kufura ariko awuteye uca hanze.
Fede Valverede yateye ishoti riremereye ashaka gutungura umuzamu wa Portugal ariko atera umumanura nyoni.
Ku munota wa 90 Portugal yabonye penaliti iturutse ku mukinnyi wa Uruguay wakoze umupira n’ukuboko, Bruno Fernandes ayitera neza kiba kibaye igitego cya kabiri.
Umukino warangiye ari ibitego bibiri bya Portugal ku busa bwa Uruguay.
Portugal ihita ibona n’itike y’ikiciro gikurikiyeho

Subscribe
Notify of
guest
0 Comments
Inline Feedbacks
View all comments

Umugabo yakubiswe iz’akabwana n’umugore we nyuma yo kwanga kumufurira utwenda twe tw’imbere

Umugore yishe mukeba we asinziriye