in

Igikombe cy’isi : Argentina ya Messi yitwaye neza imbere ya Mexico ikizere kiragaruka

Wari umukino w'ishyaka ryinshi

Argentina yatsinze Mexico Ibitego bibiri ku busa mu mukino wa kabiri wo mu itsinda C wabereye kuri Lusail Iconic stadium.

Wari umukino w’ishyaka ryinshi

Abakinnyi babanjemo ku ruhande rwa Argentina:
Argentina XI: Martínez; Montiel, Otamendi, Lisandro Martínez, Acuña; De Paul, G. Rodríguez, Mac Allister; Di María, Messi, Lautaro
Umukino watangiye ku isaha ya saa tatu z’ijoro wari wabanjirijwe n’uwahuje Arabia Saudite igatsindwa na Poland Ibitego bibiri ku busa.
Abakinnyi babanjemo ku ruhande rwa Mexico:
Abafana ba Argentina bari baje ku bwinshi

Mexico XI: Ochoa; K.Álvarez, Araújo, Moreno, Montes, Gallardo; Guardado, Herrera, Chávez; Lozano, Vega.
Umukino wasifuwe n’umusifuzi ukomoka mu Butariyani,utangizwa na Mexico batera umupira muremure bashaka gutsinda ariko urarenga.
Ku munota wa 8 Mexico yabonye amahirwe ya mbere yo gutsinda igitego kuri kufura yatewe neza ariko habura ushyira umupira mu izamu.
Umukino warimo imbaraga nyinshi

Ku munota wa 21 Araujo wa Mexico yabonye ikarita y’umuhondo biturutse ku ikosa yakoreye Acuña.
Ku munota wa 34 Messi yateye kufura aboneza mu izamu ariko Ochoa ufatira Mexico awukubita igipfunsi akiza izamu.
Ku munota wa 43 Montelo wa Argentina yahawe ikarita y’umuhondo,banaha Mexico kufura bayiteye Martinez ufatira Argentina ayikuramo neza.
Iminota 45 y’igice cya mbere yarangiye umusifuzi yongeraho iminota itanu y’inyongera.
Muri iyo minota Argentina yakomeje kwataka arinaho baboneye koroneli ariko bayitera nabi cyane.
Messi yagize umukino mwiza

Igice cya kabiri cyatangiye Argentina ishaka igitego ku munota wa 50 babonye kufura ariko Messi atera umupira w’umanura nyoni.
Ku munota wa 63 Messi yatsinze igitego cya mbere cya Argentina Ku mupira uremereye yashoteye inyuma y’urubuga rw’amahina, umuzamu wa Mexico ntiyamenya uko bigenze.
Argentine yari yakomeje gushaka igitego cya kabiri yaje Ku kibona Ku munota wa 87 gitsinzwe na Enzo Fernandez ku mupira mwiza yarahawe na Messi.
Mu minota 6 y’inyongera umusifuzi yongeyeho ntacyo Mexico yabashije gukora ngo yishyure umukino urangira Ari Ibitego bibiri ku busa.

Subscribe
Notify of
guest
0 Comments
Inline Feedbacks
View all comments

Wa mukobwa w’ikizungerezi wajungurije ikibuno Rema akarabya indimi yongeye kugaragara ari mu byishimo na Juno Kizigenza(videwo)

Video: umunyamakuru wa Televiziyo ikomeye mu Rwanda yagaragaye asomana na Messi