HARAGIRIMANA Dieudonne
Mu gitondo cyo kuri uyu wa gatanu tariki 20 Mutarama 2023 ,nibwo Pattyno Comedy abinyujije ku mbuga nkoranyambaga ze yahishuye ko agiye gushyira hanze filime igaruka ku nkuru ye y’urukundo rwe n’umukobwa witwa Betty bamaze igihe mu munyenga w’urukundo.
Pattyno yagize ati:” Vuba kuri screen zanyu ndabaha inkuru y’urukundo , ikibazo ni muriteguye!?” Pattyno yari amaze igihe kigera ku byumweru 2 ntakintu acisha ku rubuga rwe rwa youtube , ibi bikaba byahise bishimangira ko uyu munyarwenya yari amaze igihe ahugiye mu gufata amashusho azagaragara muri filime ye y’urukundo n’umukobwa yihebeye.
Abanyarwenya barimo Nyaxo ,Regis , Mubi n’abandi bahise bagaragariza uyu musore ko banyotewe no kureba iyo filime , kuko nka Regis abicishije ahatangirwa ibitekerezo yagize ati :”kiratumaze” , mu gihe Nyaxo we yagize ati:” yego nyakubahwa”
Pattyno na Betty bamaze igihe mu munyenga w’urukundo , ndetse umunsi ku wundi ntibahwema kugaragariza abantu urwo bakundana , kuko nko ku itariki 25 ukwakira 2022 , Betty abinyujije ku rubuga rwa instagram yashyize hanze ifoto arikumwe na Pattyno ayiherekeresha amagambo agira ati :” urukundo rw’ubuzima bwanjye”
