Social Mula
Umuhanzi Israel Mbonyi ni umwe mu bahanzi bakunzwe baririmba indirimbo zo kuramya no guhimbaza Imana hano mu Rwanda. Uyu muhanzi ariko abenshi bakunda uburyo yitwara mu buzima busanzwe bitewe nuko agerageza gusabana n’abahanzi cyangwa abanyamakuru bakora indirimbo cyangwa ibiganiro bitari iby’iyobokamana. Aha twavuga nkigihe yatangaje ko akunda cyane umuhanzi Amag The Black ndetse aza no kumutungura amuha impano.
Uyu muhanzi rero benshi batazi ko akurikirana n’ibijyanye n’umupira w’amaguru, ubwo ikipe ya Senegal yamaraga gutwara igikombe cy’Afurika itsinze ikipe ya Misiri, yanyarukiye ku rubuga rwa Twitter maze ashyiraho ubutumwa bwatangaje abafana be.
Mu buryo bwo gutebya anabihuza n’amateka yo muri Bibiliya, Israel Mbonyi yagize ati “Ingabo za Pharaoh zongeye kurohama mu nyanja, 😂 Congratulations Senegal”
Ingabo za pharaoh zongeye kugwa mu Nyanja😂 #AFCON2022 .
— Israel Mbonyi (@IsraeMbonyi) February 6, 2022
