Ibyo Polisi y’U Rwanda yabwiye abantu bibuze ku rutonde rw’abashaka gukorera impushya zo gutwara ibinyabiziga

Mu kiganiro Polisi y’U Rwanda yatanze kuri uyu wa 29 Ukwakira 2021 kuri Radio Rwanda kigaruka ku mutekano wo mu muhanda, yagize icyo ibwira abantu bibuze ku rutonde rw’abazakorera impushya za burundu zo gutwara ibinyabiziga ruherutse gusohoka.

Nkuko Polisi y’U Rwanda yabitangaje, yavuze ko abibuze ku rutonde rwashyizwe hanze bazategereza mu minsi iri imbere kubera ko hari gahunda yo gushyira hanze urundi rutonde rw’abazakorera impushya zo gutwara ibinyabiziga gusa yongeyeho ko abantu bagomba kuza gukora ibizamini biteguye kubera ko usanga akenshi abantu baza ku kizamini batiteguye ndetse ibi bikabaviramo no gutsindwa dore ko kuri ubu abantu benshi bakora ibizamini batsindwa hagatsinda bake cyane.