THIERRY Mugiraneza
Perezida wa Intare FC, Gatibito Byabuze, yongeye gushimangira ko Ikipe y’Intare Football club ayobora itazitabira ibiganiro byatumijwe na FERWAFA.
Ikibazo cy’umukino wo kwishyura wa ⅛ Rayon Sports ifitanye na Intare gikomeje gukomera nyuma y’uko bigaragara nkaho impande zombi zananiwe kumvikana.
Ku munsi wejo hashize nibwo FERWAFA yari yatumije impande zombi zirebwa n’umukino ngo ziganire.
Ariko nubwo iyo nama yatumijwe bisa nkaho itabaye kuko uruhande rw’ikipe ya Intare FC rwarabuze , haboneka Uwayezu Jean Fidéle uyobora Rayon Sports.
Ubwo umuyobozi w’ikipe ya Intare FC yaganiraga na Radiyo 1 yabajijwe impamvu ejo atabonetse mu nama maze asubiza ko we azitabira inama itegura umukino( Technical Metting) wa Police FC muri ¼ gusa ko iby’iyo nama ya FERWAFA atazabizamo.
Umunyamakuru yabajije Katibito Niba FERWAFA yaba yari yabatumiye mu nama, asubiza ko nta ‘E-mail’ babonye.
