Ibyihishe inyuma y’itandukana rya Cyusa Ibrahim na nyirasenge wa Miss Naomi

Umuhanzi mu ndirimbo gakondo, Cyusa Ibrahim yahakanye ibivugwa ko yaba yaratandukanye n’umukunzi we Jeanine Noach bari bamaranye igihe.

Ku munsi w’ejo nibwo hasakaye inkuru ivuga ko Jeanine Noach atakiri kwitaba uyu muhanzi kubera ko yari yamenye ko Cyusa Ibrahim afite umwana n’undi mugore atereta mu ibanga.

Aba bombi nyuma yo kubona ibyabavuzweho, bihutiye kujya ku rubuga rwa Instagram gukora ikizwi nka Live.

Abakundana bombi bagiye kuri Instagram banyomoza ibyavuzwe ko baba bamaza gutandukana.

Umunyarwanda yarakoze ngo ati: “Ntanduru ivugira ubusa imusozi.” nkuko uwo mugani ubisobanuro, abo bombi bari gukoresha urukundo rwabo kugira ngo bamamaze indirimbo nshya y’umwe muri bo.

Cyusa Ibrahim agiye gushyira hanze indirimbo nshya yakoreye uyu mukunzi we, akaba ari gukoresha urukundo rwe na Jeanine Noach kugira ngo iyi ndirimbo imenyekane.

Amakuru atugeraho ni uko iyo ndirimbo yitwa ‘Uwanjye’ Cyusa Ibrahim akaba yarayiririmbiye umukunzi we Jeanine Noach.