HARAGIRIMANA Dieudonne
Shaddyboo yifashishije ifoto yambaye imyenda y’umweru ndetse n’imisatsi ari umweru, yicaye ahantu afashe igikombe cy’icyayi cyangwa ikawa maze abwira abantu batandukanye ko ariwe mwamikazi wa Afurika.
Yagize ati: “Ndi umwamikazi wa Afurika, umwami ni nde?.’’ Mu gushyiraho ayo magambo, yerekanye ko ahamanya nayo maze abimenyesha (Tag) abiyita ‘abamikazi’ bose, biyita aba Afurika, ababwira ko ariwe wa nyawe.
I m Africans Queen #africanqueen
who is King ? pic.twitter.com/kOyzhDZfVG— Shaddyboo (@shaddyboo__92) November 6, 2021
Nyuma yo gushyiraho ibyiyumviro bye n’uko abyumva, Shaddyboo yahise ahabwa urw’amenyo n’abakoresha twitter, benshi bamubwira ko yaba umwamikazi w’isibo cyangwa umudugudu. Gusa si bose kuko hari benshi bakunze ibyiyumviro bye, bamubwira ko bamukunda cyane.
Hari uwitwa Dismas official wamuciriye umugani agira ati’’ Baca umugani mwiza ngo ihene yibonye ubwiza igeze imbere barayibaga ushatse wareka kwibona.’’
Naho Ndayisaba Jean de Dieu (Professional Driver) we ati’’Umwamikazi abana n”umwami niba utamuzi ubwo warapfakaye.’’
Naho Sebastien Niyo we ati’’Ko umwami agabira abantu se wowe niba uri umwamikazi utugabiye iki? Mbwira nguhe momo yanjye unageho akantu ndaq!hahahahaha.’’
Ni benshi bagiye batanga ibitekerezo bitandukanye gusa Shaddyboo we yaruciye ararumira.
