Ibitangaza birabaye: Arsenal ikuye itsinzi mu menyo ya rubamba

Shampiyona y’icyiciro cya mbere mu Bwongereza yari yakomeje ku munsi wa 26 aho ikipe ya Arsenal yari yasuwe n’ikipe ya FC Bournemouth kuri Emirates stadium.

Ikipe ya Arsenal yatangiye igice cya mbere byanze aho baje kuyitsinda igitego ku munota wa mbere w’igice cya mbere dore ko cyaje no kurangira gutyo.

Igice cya kabiri cyigitangira Arsenal yaje gutsindwa igitego cya kabiri ku munota wa 57 maze umutoza wayo Mikel Arteta ayoberwa ibimubayeho maze imibare itangira kumubana ibihekane.

Abakinnyi ba Arsenal baje kwifatira umwanzuro batangira kotsa igitutu ikipe ya FC Bournemouth aho byaje kuyihira ibona igitego ku munota wa 62 gitsinzwe na Thomas.

Nti byatinze ku munota wa 70 Arsenal yahise ibona igitego cya kabiri cyo kwishyura maze Umukino usubira ibubusi.

Ikipe ya Arsenal yahushije uburyo bwinshi bubyara ibitego aho yaje kubona penarite ebyiri zose zigajurwa n’umusifuzi yifashishije imashini yabugenewe bita (VAR).

Gusa ya Mana ireberera ya nzovu iyifashe igiye guhanuka mu giti

Ku munota wa nyuma Arsenal ikoze ibitangaza bitarabaho itsinda igitego cya Gatatu umukino uhita urangira.