‘Ibikombe byo muri Uganda agiye ku bimara’ umwana w’umunyarwanda akomeje gutanagrirwa na benshi kubera impano ye idasanzwe(menya byinshi kuri we)

‘Ibikombe byo muri Uganda agiye ku bimara’ umwana w’umunyarwanda akomeje gutanagrirwa na benshi kubera impano ye idasanzwe(menya byinshi kuri we)

Uyu mwana Se ni umunyarwanda witwa Apostle Kyambadde Eric Ngoboka, naho nyina ni umunya-Uganda-kazi witwa Ayinebyona Doreen. Rinic afite imyaka 12 y’amavuko. Yavukiye i Makindye muri Kampala mu bitaro bya Nsambya Hospital.

Ni umukristo, umuramyi, umubyinnyi, umucuranzi wa gitari akaba n’umuhanzikazi umaze kwegukana ibikombe binyuranye muri Uganda. Yiga mu mwaka wa gatanu w’amashuri abanza muri Gombe Junior School. Umuziki yawutangiriye muri ‘Sunday school’.

Amaze kugaragara kuri stage zikomeye i Kampala aho twavugamo igitaramo yahuriyemo na Adda wo muri Nigeria. Yakoranye indirimbo na Levixone bise “Lift Him High”, ikaba yarakunzwe cyane ndetse igaragaza ko ari umuhanzikazi wo kwitega muri Gospel mu Karere kose.

Rinic Jemimah Ibihembo yatwaye harimo Royal Gospel Music Award mu cyiciro cya “Junior category of the year 2022”, Katika Music Award mu cyiciro cya “New Upcoming Artist of the Year”, High School Award, na Hiskool Award mu cyiciro cya “Country’s New Generation Award”.

Yegukanye kandi igikombe mu bihembo bihabwa urubyiruko mu irushanwa ryitwa Famous Teens Award aho yahize abandi mu cyiciro cya “Next Big Thing Category”. Muri Viga Awards naho yahize abandi bose aba umuhanzi muto w’umwaka mu 2022 (Young Artist of the year 2022).