HARAGIRIMANA Dieudonne
Umunyamakuru Ndahiro Valens Papy ukorera BTN TV yagiye gutara inkuru ku mupfumu mu karere ka Rubavu maze ahahurira n’ibibazo.
Nyuma yo kumenya ko abaturage bo mu mudugudu wa Nyarubande, akagari ka Gikombe mu murenge wa Nyakiriba batewe impungenge n’inkono z’uyu mupfumu zihora zaka, Ndahiro yagiye gukurikirana.Ndahiro Valens yagiye mu rugo rw’uyu mupfumu aherekejwe n’abaturage bo muri Nyarubande, maze aramwibwira, ashaka kumusobanuza kuri aka kazi ke.
Uyu mupfumu utishimiye kubona Ndahiro mu rugo rwe, yamusubije ati: “Umva nkubwire rero, umva nkubwire, njyewe nta banyamakuru nshaka hano. Urumva? Nta banyamakuru nshaka.”
Inzuki zahise zirukankana uyu munyamakuru hamwe n’aba baturage bari bamuri inyuma, bose bariruka amaguru bayabangira ingata.
