Ibandi ryashikuje umupolisi wo ku muhanda telefoni ,asigara yumiwe.

Ku mbuga nkoranyambaga hakwirakwiriye amafoto n’amashusho by’umupolisi washobewe nyuma yo guhura n’umujura mu muhanda. Inkuru y’ikinyamakuru Ireporteronline, ivuga ko umupolisi wagenzuraga umutekano wo mu muhanda ku kayira ka Roysambu ku muhanda wa Thika i Nairobi, yatakaje telefoni ye kubera abagizi ba nabi bari kuri moto bamushikuje telefone ye bayimukuye ku gutwi ari kuyivugiraho.

Amakuru akomeza avuga ko tariki ya 6 Nyakanga 2021 ari bwo umupolisi utatangajwe amazina yahuye n’ibi bizazane byo kwibwa telefone. Mu mashusho yagaragaye kuri Camera zicunga umutekano mu muhanda, zerekana uburyo abajura bari kuri moto yari itwaye abantu babiri bageze ku mupolisi wavugiraga kuri telephone nk’ibisanzwe, bakamuturuka inyuma umwe agahita amushikuza telephone bakiruka na moto.

Polisi yagerageje kubirukaho ngo igarure Telephone y’uyu mupolisi, ariko biba iby’ubusa barababura burundu. Kugeza ubu aba bajura barimo gushakishwa hirya no hino kugira ngo babiryozwe.