I Nyarugenge ntaho wacikira! Igisambo cyari cyibye moto cyafashwe kitararenga umutaru

Mu Karere ka Nyarugenge, ku mugoroba wo ku wa Kabiri tariki ya 18 Nyakanga, police yagaruje moto yari yibwe umumotari.

Uwafatanywe iyi moto ni umusore w’imyaka 21 wafatiwe mu mudugudu w’Ubucuruzi, akagari ka Kabeza mu murenge wa Muhima ahagana saa kumi n’ebyiri z’umugoroba.

Akimara gufatwa yemeye ko ari we wayibye ayikuye mu Kagari ka Busanza, aho yari iparitse.

Umuvugizi wa Polisi mu Mujyi wa Kigali, yavuze ko gufatwa kwayo kwaturutse ku makuru yatanzwe na nyirayo nyuma yo kuyibwa.