Epaphrodite Nsengimana
Ikipe ya Mukura VS yiteguye Rayon Sports mu buryo bwose bushoboka mu mukino zifitanye kuri uyu wa Gatandatu tariki 4 Ugushyingo 2023.
Mu rwego rwo kwitegura neza, mu ikipe ya Mukura VS, ubu hamaze gutangwa amafaranga azahabwa abakinnyi bayo nibaramuka batsinze Rayon Sports (buri mukinnyi agahabwa ibihumbi 1000Frw).
Aya mafaranga ashobora no kwiyongera kuko hari abakire benshi bakunda Mukura VS, byitezwe ko baratanga n’andi mafaranga kugira ngo buri mukinnyi wayo azajye guhangana na Rayon Sports yemerewe agahimbazamusyi gatubutse.
Biteganyijwe ko uyu mukino w’umunsi wa 10 wa Shampiyona uzaba kuri uyu wa Gatandatu tariki 4 Ugushyingo 2023 kuri Kigali Pelé Stadium.
Rayon Sports niyo izakira Mukura VS doreko yamaze no gushyira hanze ibiciro byo kwinjira kuri uyu mukino.
