Kubwayo Mc croix
Isoko ry’igura n’igurishwa ry’abakinnyi rikomeje gushyuha, amakipe akomeye y’i Burayi akora ibishoboka byose kugira ngo yongerere imbaraga imikinire yazo mbere y’itangira ry’imikino ikomeye. Rutahizamu w’umwongereza Marcus Rashford, w’imyaka 27, ari mu biganiro na FC Barcelona mu rwego rwo gushakisha uko yakwerekeza muri iyi kipe, nyuma yo kugaragaza ubushake bwo kuva muri Manchester United. Ku rundi ruhande, Arsenal yakoze iperereza ku gushaka rutahizamu w’umunyasloveni Benjamin Sesko, w’imyaka 21, ukinira RB Leipzig, kugira ngo yongere imbaraga mu busatirizi bwayo.
Muri shampiyona y’u Butaliyani, AC Milan yamaze kumvikana na Manchester City ku masezerano yo gutiza Kyle Walker, w’imyaka 34, amasezerano arimo ubusabe bwo kugurwa ku mafaranga angana na miliyoni 5 z’ama-euro (£4.2m). Ku ruhande rwa Manchester United, umukinnyi ukina ku mpande Alejandro Garnacho, w’imyaka 20, yagaragaje ubushake bwo kwerekeza muri Chelsea aho gukinira Napoli, ariko Manchester United ntiratangaza umwanzuro
Kyle Walker, w’imyaka 34 ushakwa na AC Milan
Mu gihe ibiganiro hagati ya Arsenal na Juventus byari birimbanyije byo kugura rutahizamu Dusan Vlahovic, w’imyaka 24, byarangiye nta mwanzuro bafashe kuri iyi ngingo, ikipe ya Napoli ikomeje gushaka gukomeza guhangana ku rwego mpuzamahanga, ikaba iri mu biganiro na Borussia Dortmund ku bijyanye no kugura Karim Adeyemi, w’imyaka 23.
Chelsea, ibintu nabyo bikomeje kuba ibikomeye, aho abakinnyi batatu bashobora kuva muri iyi kipe muri uku kwezi. Renato Veiga, umunya-Portugal w’imyaka 21, arifuza kwerekeza muri Juventus, mu gihe Umu-Italiyani Cesare Casadei, w’imyaka 22, ashobora gutangwaho asaga miliyoni £11.5m aturutse muri Lazio, naho umwongereza Ben Chilwell, w’imyaka 28, ari gushakishwa n’ikipe ya Everton.
