Moïse Habanabashaka
Huye:amakuru mashya kuri ba bagabo 2 bishe umimotari bakamutaba mu ishyamba.
Abagabo babiri bari bakurikiranyweho kwicira umumotari mu ishyamba rya Rubona riri mu Murenge wa Rusatira mu Karere ka Huye, barangiza bagataba umurambo ukaboneka nyuma y’iminsi ibiri, bakatiwe gufungwa burundu.
Ikindi cyaha cyahamijwe aba bagabo, ni icy’ubujura bukoresheje intwaro, kuko nyuma yo kwivugana nyakwigendera, bahise batwara moto ye.
Ubushinjacyaha bwagaragaje ko babikoranye ubugome bw’indengakamere ndetse ko byagize ingaruka ku muryango.
Urukiko Rwisumbuye rwa Huye, rwemeje ko aba bagabo bahamwa n’ibi byaha byombi, ndetse rwubahiriza icyifuzo cy’Ubushinjacyaha, rubakatira gufungwa burundu kuri buri umwe.
