Huye habaye impanuka ikomeye yahitanye abana babiri

Huye habaye impanuka ikomeye yahitanye abana babiri

Mu Mudugudu w’Akanyana, mu kagari ka Rugogwe mu Murenge wa Ruhashya mu karere ka Huye habereye impanuka y’ubwato bwarohamye mu cyuzi  ihitana abana babiri.

Abapfiriye muri iyo mpanuka ni Abizera Fabrice w’imyaka 17 na Sibobugingo Pascal w’imyaka 17.  Ibi byabaye ku wa gatandatu tariki ya 21 Ukwakira 2023 mu masaha y’umugoroba.

Polisi yatangaje ko aba bana babiri bagiye mu bwato bwashaje ndetse bagakoresha ibikoresho bitabugenewe bigatuma ubwato burohama. Nabo bajyanye nabwo bituma bahaburira ubuzima.

Polisi kandi ishishikariza ababyeyi kurinda abana babo bakababuza gukora ibikorwa nk’ibi bibashyira mu byago.