Hussein Shaban Tchabalala yamaze kumvikana n’ikipe ihora itsinda Rayon Sports mu buryo bworoshye ariko yananiwe kwigobotora APR FC

Rutahizamu ukomoka mu gihugu cy’u Burundi ndetse ukinira ikipe ya AS Kigali, Hussein Shaban Tchabalala yamaze kumvikana n’ikipe ikomeye hano mu Rwanda imaze igihe itsinda Rayon Sports ariko yananiwe kwigobotora APR FC.

Umwaka ushize w’imikino Hussein Shaban Tchabalala yongereye amasezerano mu ikipe ya AS Kigali ariko yashakwaga cyane na Rayon Sports ndetse baranumvikana ariko nyuma bikazamo kidobya kubera amafaranga AS Kigali yahise imuba bigatuma atera umugongo Gikundiro.

Amakuru YEGOB twamenye Umurundi Hussein Shaban Tchabalala yamaze kumvikana n’ikipe ya Kiyovu Sports mu buryo bw’ibanga nyuma yo kubona muri AS Kigali ibintu bikomeje kutagenda neza, kandi akabona Kiyovu Sports ifite umushinga mwiza wamugeza kunzozi ze.

Hussein Shaban Tchabalala mu myaka irenga 4 amaze hano mu Rwanda yerekenye ko ari rutahizamu ntagereranywa nubwo ashinjwa gutsinda amakipe mato gusa akomeye akamunanira ariko muri iyi myaka yose aho atabaga yatsinze ibitego byinshi muri Shampiyona yabaga ari muri 3 ba mbere.

Ntawo yitwara neza hano mu Rwanda gusa, ahubwo no mu ikipe ye y’igihugu ari mu bakinnyi beza iyi kipe ifite kandi banayifasha. Ku munsi wejo bundi hashize kuwa kabiri ari mu bakinnyi batsindiye u Burundi ubwo bwatsindaga ikipe ya Namibia ibitego 3-2 mu gushaka itike yo gukina imikino ya nyuma y’igikombe cy’Afurika, ibi bivuze ko Kiyovu Sports yaba ibonye rutahizamu mwiza.