HARAGIRIMANA Dieudonne
Mu mwaka wa 2009 mu Rwanda hari ama couples yari akunzwe cyane kandi yatwikaga nk’uko bivugwa gusa yose ibyabo byagiye birangira batandukanye ndetse bikababaza abafana babo.Ayo macouple niyo tugiye kurebera hamwe:
P Fla ndetse El Poeta
Iyi couple y’ abaraperi yagacishijeho ndetse n’ abantu benshi barayikundaga aho byaje kurangira babyaranye umwana ariko iby’urukundo rwabo rwahise rurangira.
Lick Lick na Oda Paccy.
Couple yavuzwe cyane mu Rwanda nubwo ku giti cyabo batakundaga kubyemera nyuma y’ uko Oda Paccy atwaye inda ayitewe n’ uyu mugabo nyuma bakamwita Rika Mbabazi ibyabo byarekeyaho kuvugwa ubwo Producer Lick Lick yahise yerekeza muri Amerika.
Saleh na Miss Jojo
Iyi Couple nayo iri mu zavuzwe cyane muri muzika nyarwanda kubera urukundo rwabo kugera ubwo baje no gupanga ubukwe nyuma biza gupfa.
Butera Knowless na Safi Madiba
Ni Couple yavuzwe cyane ndetse magingo aya ikaba ikibazwaho na benshi icyatumye bashwana kugera ubwo batandukanye. Bagiye bavugwaho gucyurirana bifashishije indirimbo zitandukanye. Gusa byarangiye buri wese ashinze urwe ,aho Knowless yashakanye na Producer Clement Ishimwe na ho Safi agashaka Judith Niyonizera nubwo na we batandukanye.
Nizzo Kaboss na Sacha
Couple nayo yaje guca ibintu mu mwaka wa 2009 ubwo iri tsinda ryari rigikundwa muri muzika nyarwanda kubera indirimbo zabo zari zikunzwe mu myaka yashize.
Kamichi na Emely
Urukundo rwa Kamichi ndetse n’ umukunzi we Amely umukobwa wajyaga afata rutema ikirere akaza mu Rwanda kureba umukunzi we gusa haje kuvugwa ko baje gutandukana gusa biza kurangira hatamenyekanye icyabatandukanyije.Kuri ubu Kamishi yibera muri Amerika n’umugore we bafitanye umwana.
Prince Kid na Sandra Teta
Umusore wigeze kubaho umuhanzi Prince Kid ndetse bikaza kuvugwako yaje gukundana na Sandra Teta gusa bikaza kurangira batandukanye nyuma yuko hakwirakwijwe amakuru avugako yamuguriye imodoka bikaza kurangira batandukanye.
Anita Pendo na Producer David
Couple yaje gukundwa n’ abantu benshi kubera umubano mwiza wagaragaraga hagati ya Pendo ndetse na David Pro wakoraga muri Future Record.Ibyabo byabaye amateka gusa baratwitse.
Meddy Saleh & Shaddyboo
Aba nabo bakundanye ururyohereye kurusha ubuki ndetse Imana ibaheramo umugisha babyarana abana babiri b’abakobwa mu gihe bamaranye nk’umugabo n’umugore.
Muri 2016 bombi batandukanye mu bwubahane, ariko bakomeza gufatanya kurera abana babo.Kuri ubu Shaddyboo ni icyamamare ku mbuga nkoranyambaga, naho Meddy Saleh we ni umuhanga mu gutunganya amashusho y’indirimbo z’abahanzi.Ndetse Shaddyboo yamaze kubona undi musore nasigaye bari mu rukundo.
