Hasigaye amasaha mbarwa ngo Cristiano Ronaldo na Lionel Messi bafatane mu mashingu

Kuri uyu wa kane tariki 19 Mutarama 2023 ,nibwo kizigenza Cristiano Ronaldo hamwe n’ikipe ye ya Saudi Arabia All-Star  baribuze kuba bacakirana na Psg ya Lionel Messi ,mu mukino ugomba kubera kuri the King Fahd International Stadium.

Ni umukino umaze iminsi utegerejwe ,ndetse ab’intkwakuzi ,bakaba baramaze kugura amatike yabo yo kureba uyu mukino ,ugomba guhuza Cristiano Ronaldo uzaba unayoboye bagenzi be , na Lionel Messi badasiba kugereranwa ,amanywa n’ijoro.

Uyu ni nawo mukino wa mbere Cristiano Ronaldo agiye gukina kuva yava muri Manchester United akerekeza muri Saudi Arabia ,mu ikipe ya Al Nassr Fc.

Ni umukino ugomba gutangira guhera ku isaha ya saa mbili z’ijoro ku masaha ya Riiyadh  , ukazananyuzwa kuri channel ya PSG na BeIN sports.