Haringingo Francis yavuze ingaruka ikipe ye yagize zaturutse ku kinamico yakinwe na Rayon Sports, Intare Fc na FERWAFA

Mu minsi yashyize, mu bitangazamakuru bitandukanye havuzwe cyane inkuru y’umukino wa Rayon Sports na Intare FC, rimwe hakavugwa ko ngo Rayon Sports yatewe mpaga, ubundi ngo yakuwe mu irushanwa cyangwase ngo yagarutse.

Ibi byose twakita nk’ikinamico, aya makipe yakinaga iyobowe na FERWAFA, umutoza wa Rayon Sports Haringingo Francis yavuze ko byabagizeho ingaruka.

Yagize ati “Biriya bintu byo kuvuga ngo turimo cyangwa ntabwo turimo byatugizeho ingaruka birumvikana ko hari ibibazo byateje, rimwe twumvaga ko dusigaye muri shampiyona gusa ariko ubu tuzi ko ubu turi no mu gikombe cy’amahoro.”