Hari ba Nyampinga batanamenye ko bwabaye! Ubukwe bwa Prince Kid na Miss Iradukunda Elsa bwitabiriwe nabandi ba Miss 2 gusa hakabaye hitezwe ko bose uko ari 9 babuzamo

Miss Rwanda 2018 Iradukunda Liliane we yitabiriye, miss Rwanda 2019 Nimwiza Meghan nawe yaje kubashyigikira

Mu bukwe bwa Prince Kid yasabye anakwa Nyampinga w’u Rwanda wa 2017, Iradukunda Elsa, bwabaye ku gicamunsi cyo kuri uyu wa kane tariki 31 Kanama 2023, nibwo umuhango wo gusaba no gukwa wabereye mu murenge wa Rusororo mu karere ka Gasabo.

Muri ubu bukwe, hakabaye hitezwe ko ba Nyampinga begukanye ikamba rya Miss Rwanda kuva 2014 ryegukanwa Miss Akiwacu Colombe, Miss Kundwa Doriane muri 2015 ntiyari ahari, miss Rwanda 2016 miss Mutesi Jolly nawe ntiyahabonetse, Miss Rwanda 2017 Iradukunda Elsa niwe wari umugeni.

Miss Rwanda 2018 Iradukunda Liliane we yitabiriye, miss Rwanda 2019 Nimwiza Meghan nawe yaje kubashyigikira, Miss Rwanda 2020 Nishimwe Naomie ntiyahabonetse, miss Rwanda 2021 Ingabire Grace nawe ntiyahageze ndetse na Miss Nshuti Divine Muheto wa 2022 ntiyahakandagiye.

Bivuze ko muri ba Miss 9 habonetse babiri aribo Miss Rwanda 2018 Iradukunda Liliane na miss Rwanda 2019 Nimwiza Meghan na Miss Iradukunda Elsa wari umugeni.

Mu bakobwa begukanye ikamba ry’ibisonga habonetse abarimo Teta Ndenga Nicole, Umuratwa Anitha na Miss Uwimana Jeannette ufite ubumuga bwo kutumva no kutavuga.

Umuhango wo gusezerana imbere y’Imana utegerejwe ku Itariki 01 Nzeri 2023 mu Intare Arena I Rusororo saa Kumi ku Cyicaro cy’umuryango FPR Inkotanyi.