Haraba harimo n’inkuba: Iteganyagihe rya tariki ya 7/11/2023 utagomba kwirengagiza niba ukunda ubuzima bwawe

Ikigo cy’igihugu gishinzwe ibijyanye n’ubumenyi bw’ikirere Meteo Rwanda cyatangaje uko ikirere giteganyijwe kuri uyu wa kabiri tariki ya 07 Ugushyingo 2023.

Hagati ya saa 06:00 na saa 12:00, hateganyijwe imvura mu turere twa Kirehe, Kayonza, Ngoma na Rwamagana, ahandi hasigaye nta mvura ihateganyijwe.

Hateganyijwe umuyaga uringaniye ufite umuvuduko uri hagati ya 4m/s – 6m/s.

Igipimo cy’ubushyuhe bwo hasi giteganyijwe muri iki gitondo ni 12℃ mu karere ka Nyabihu.

Hagati ya saa 12:00 na 18:00, hateganyijwe imvura yumvikanamo inkuba mu turere twose tw’Igihugu.

Hateganyijwe umuyaga uringaniye ufite umuvuduko uri hagati ya 4m/s – 6m/s.

Igipimo cy’ubushyuhe bwo hejuru giteganyijwe ku gicamunsi ni 27℃ mu karere ka Nyagatare.

Uwagira ikindi ashaka kumenya yahamagara ku murongo utishyurwa: 6080.