Hamenyekanye inkuru itari nziza ishobora gutuma ikipe ya Rayon Sports itakaza amanota atatu imbere y’ikipe ya Amagaju FC

Hamenyekanye inkuru itari nziza ishobora gutuma ikipe ya Rayon Sports itakaza amanota atatu imbere y’ikipe ya Amagaju FC.

Ikipe ya Rayon Sports ifitanye umukino w’ishiraniro n’ikipe ya Amagaju FC izamutse vuba mu cyiciro cya mbere kuri Kigali Pele Stadium isaa 18h:00 ishobora kutoroherwa n’uyu mukino bitewe nicyo amateka agaragaza hagati yaya makipe yombi amaze imyaka myinshi ashinzwe mu Rwanda.

Amateka avuga ko mu mikino 20 iheruka guhuza aya makipe Rayon Sports yatsinzemo imikino 14 mu gihe Amagaju yatsinzemo imikino 4 aho banganyije inshuro 2, Rayon Sports yinjije ibitego 37 mu izamu mu gihe Amagaju yinjije ibitego 11 mu izamu rya Rayon Sports.

Iyi mibare uyitegereje neza ubona Rayon Sports ishobora cyane Amagaju gusa ahantu bikomereye n’uko mu ntsinzi 4 Amagaju yabonye imbere ya Rayon Sports 3 muri zo yagiye izibona igihe Murera ariyo yakiriye umukino bikaba bisobanuye ko ititonze uyu munsi ishobora guhura nuruva gusenya nubwo amahirwe menshi ari muruhande rwayo.