HARAGIRIMANA Dieudonne
Myugariro wa Rayon Sports Rwatubyaye Abdul ntabwo yagaragaye mu mukino ikipe ye ya Rayon Sports yakinaga mu irushanwa ryo Made in Rwanda.
Umukino wa huzaga Rayon Sports na Musanze Fc umukino warangiye banganyije ubusa ku busa maze baza kwiyambaza penaltie maze Rayon Sports ikomeza kuri penaltie 4-2 za Musanze.
Amakuru ava mu ikipe ya Rayon Sports avuga ko myugariro wayo Rwatubyaye Abdul impamvu atagaragaye muri uwo mukino ngo ni uko Rwatubyaye Abdul ariwe wari warisabiye ko yaruhuka kuri uwo mukino ariko akazakina ku mukino wa nyuma bazakina n’ikipe ya Kiyovu Sports uzaba ejo ku cyumweru tariki ya 9 Ukwakira saa 17:00.
Uyu musore wagira ngo yari azi neza ko ikipe ye ya Rayon Sports izakomeza igatsinda Musanze ku buryo bworoshye kuko yari yizeye ko azakina umukino wa nyuma.
Rwatubyaye Abdul yaje muri Rayon Sports avuye mu ikipe yo muri America bitewe n’imvune yagize ikamusubiza inyuma akaza muri Rayon Sports kugira ngo agaruke mu bihe bye.
