Hamenyekanye impamvu ikomeye yateye intambara hagati ya Diamond Platinumz na Se

Mu minsi ishize nibwo hasakaye amakuru y’uko Diamond Platinumz na papa we bateranye amagambo mu buryo bwatunguye abatari bake.Gusa impamvu yabiteye n’uko uyu muhanzi yagaragaye yipfumuza izuru.

Diamond Platnumz aherutse kugaragara ari muri Malawi yitoboza izuru, ibintu bisigaye biharawe na benshi mu byamamare.

Papa we Abdul Naseeb yavuze ko yababajwe no kubona umuhungu we yitoboza izura, avuga ko bidakwiriye umugabo w’umunyafurika.

Uyu mubyeyi utakibana n’umuhungu we avuga ko umuhungu we yakoze ibinyuranyije n’ibyo umuco wa Afurika ugena.

Yagize ati “Yakoze ikintu kibi cyane kuko umuco n’imigenzo yacu ntiyemerera abagabo gukora ibintu nka biriya.”

Abdul yakomeje agira ati “Birashoboka ko yabikoze kubera ubutunzi bwe no gushimisha inshuti ze. Abakunda Tupac barabikoze ariko ku bakomoka muri Tanzania ibi ntibihura n’umuco n’imigenzo by’abaturage.”