Geovanis
Rayon sports idasiba kuvugwa mu bitangazamakuru hano mu Rwanda akenshi hakaba havugwamo amakuri atari meza cyane, hamenyekanye n’ikibazo cy’amasogisi make mu ikipe.
Nyuma y’uko uwari umutoza wa rayon sports Paixão atandukanye nayo bamufitiye ibirarane by’amezi 5 mu mezi atandatu yari yarasinye, yareze Rayon sport muri Fifa kugira ngo yishyurwe.
Nkuko tubikesha ikinyamakuru Isimbi, cyavuganye n’umutoza wahoze atoza Rayon sports ndetse anababwira ko rayon sports uretse kuba itarabahembye, nta masogisi igira, ko yayifashije kugaburira abakinnyi no kubishyurira icumbi.
Yagize Ati “twakoraga imyitozo n’imipira 8 gusa, nta masengeri y’imyitozo (bibs) twari dufite, nta masogisi ku mukino, abasimbura bahaga abari bubanzemo amasogisi, hari ibikoresho by’ingenzi bijyanye n’ubuvuzi tutari dufite ku ikipe y’umupira w’amaguru.”
Paixão kandi yavuze atari ibyo gusa kuko hari igihe cyageze agakoresha udufaranga twe bwite yishyurira abakinnyi ubukode anabagaburira.
Ati “nahaye amafaranga yo kurya no kwishyura inzu abakinnyi benshi.”
