Hamenyekanye akayabo k’amafaranga u Rwanda rwinjije kubera inama ya FIFA iherutse kubera i Kigali

Umunyamabanga uhoraho muri Minisiteri ya Siporo, Niyonkuru Zephanie, yatangaje ko kwakira inama ya FIFA iheruka kubera i Kigali mu mezi 2 ashyize, byinjirije u Rwanda asaga miliyari 10 Frw.

Ibi yabivugiye mu ijambo yagejeje ku banyamuryango ba FERWAFA bari bitabiriye Inama y’Inteko Rusange Idasanzwe yabaye kuri uyu wa Mbere tariki 15 Gicurasi 2023.

Yahishuye ko kuva tariki ya 13–17 Werurwe, ibikorwa bitandukanye by’inama ya 73 ya FIFA yabereye i Kigali tariki ya 16 Werurwe 2023, yinjirije igihugu asaga miliyari 10 Frw binyuze mu byo abayitabiriye bishyura.