HARAGIRIMANA Dieudonne
RNIT Iterambere Found igiye gutera inkunga ikipe ya Rayon Sports nyuma y’iminsi bari mubiganiro.
Kuri uyu wa gatatu ikipe ya Rayon Sports yateguye inama ikomeye irahuza abayobozi b’iyi kipe ndetse n’ubuyobozi bwa RNIT Iterambere Found kugirango haze gusinywa amasezerano y’imikonire hagati y’impande zombi, ndetse nyuma inama irakomeza hategurwa umukino uzabahuza na APR FC.
Amakuru YEGOB yamenye ni uko iki kigo kiri mu bikomeye hano mu Rwanda kigiye gusinya amasezerano y’imyaka 3 n’ikipe ya Rayon Sports ahwanye na Milliyoni 420, bivuze ko buri mwaka Rayon Sports izajya yakira Milliyoni 140.
Ibi bije nyuma yaho ikipe ya Rayon Sports ku munsi w’ejo hashize yakoze ibirori byo gutaha kumugaragaro ikipe y’abari n’abategarugori ndetse kandi na SKOL ibahereza kumugaragaro ikibuga cyo mu Nzove cyahawe izina rya Nzove Complex Stadium.
Rayon Sports ikomeje imyiteguro yitegura umukino ukomeye kuri uyu wa gatandatu tariki ya 17 Ukuboza 2022 n’ikipe ya APR FC.
Uyu mukino wakaniwe ni mpande zombi ari nako hakomeza gutangazwa byinshi muri byo ni uko ubuyobozi bwa Rayon Sports bwasabye FERWAFA kuzabahereza abasifuzi beza batazateza umwuka mubi.
