Halaand ugiye kuva muri Manchester City igitaraganya, ntiyemerewe kujya mu yindi kipe mu bwongereza

Halaand wavuzweho kuba atari umuntu kubera ibyo arimo akorera muri Primer league, ashobora kuva muri iyi kipe ya Manchester City akerekeza ahandi hatari mu bwongereza.

Uyu munsi ni bwo ikipe ya Manicity yatangaje ko  Halaand nashaka gusohoka muri iyi kipe cyangwa hari ikipe imushaka izamutangaho Miliyoni 175 z’amapapawundi ariko nta kipe yo mu Bwongereza yemerewe kumugura kuko Manicity idashaka kuzajya ihura n’uyu mukinnyi ngo abe yabakorera nk’ibyo ari gukorera ayandi makipe.

Ibi bije nyuma y’ibyari bimaze  iminsi bivugwa ko uyu mukinnyi ashobora kuzerekeza muri Real Madrid ariko umutoza wa Manchester City, Pep Guardiola, ubwo yari ari mu kiganiro n’itangazamakuru, yabihakanye yivuye inyuma.

Amwe mu makipe ahabwa amahirwe yo kuzegukana Halaand kurusha andi ni Real Madrid, Barcelona, Paris Saint-Germain na Bayern Munich, gusa hari amakuru avuga ko Real Madrid yaba yaratangiye kumwegera.