THIERRY Mugiraneza
Abafana b’ikipe y’igihugu ya Argentina baraye batawe muri yombi bazira gukora ibidakorwa muri Qatar ubwo bishimiraga igikombe cy’isi.
Mu ijoro ryakeye byari amateka akomeye ubwo ikipe y’igihugu ya Argentina yatwaraga igikombe cy’isi itsinze Ubufaransa Kuri penaliti 4 kuri 2 nyuma y’uko amakipe yombi yari yarangije umukino anganya Ibitego bitatu kuri bitatu.
Kubera ibyishimo byinshi bamwe mu bafana ba Argentine baraye muri gereza kubera kwica umuco wo muri Qatar. Mbere y’uko igikombe cy’isi cy’uyu mwaka gitangira abayobozi bo muri Qatar babanje kubwira abafana bavuye ahandi ku isi uko bagomba kuzitwara.
Bamwe mu bafana ba Argentine b’abagore baraye bagaragaye bambaye ubusa hejuru n’amabere yagiye hanze kandi ibi bitemewe, usibye n’amabere muri Qatar n’amavi ntabwo abagomba kugaragara.
Hari n’abagabo kandi bagaragaye bakuyemo imipira yo hejuru basigara bambaye amapantaro kandi bitemewe muri Qatar kwambara ubusa mu ruhame.
