THIERRY Mugiraneza
Ikipe ya Real Madrid imaze igihe itsinda yabanje kugaragurika hakomeje gukwirakwira amakuru avuga ko mu rw’ambariro rw’iyi kipe ko harimo ibibazo byo gutonesha abakinnyi bamwe n’abamwe mu gihe abandi bo bakomeje kwirengangizwa.
Real Madrid imaze igihe itsinda ibanje kugaragurika dore ko iyi kipe n’ijoro rya keye yatsinze Villarreal bibanje kuyigora cyane ivuye inyuma bisanga ko yari herutse gukubitwa na FC Barcelona ku mukino wa ñyuma wa Super Cup ya Espagne ndetse yari yarabanje ku nganya na Valencia yaranakubiswe na Villarreal.
Amakuru dukesha ikinyamakuru SportsKeed aravuga ko , muzehe Carlo Ancelloti utoza Real Madrid atakivuga rumwe n’abakinnyi cyane cyane bakomoka muri Espagne. Ku ruhembe haza Nacho Fernandez Umukinnyi umaze imyaka irenga 10 i Madrid ariko ubu akaba ikibuga acyumva mu nzozi, ibi bigatuma abakinnyi bandi bashinja Carlo Ancelloti guha umwanya Antonio Rudiger yaguze mu mpeshyi ishize akirengagiza umwana wakuriye mu bikari bya Santiago Bernabau.
Uyu Nacho Fernandez yatangiye gukinira real Madrid nkuru kuva muri 2011 ayikinira imikino irenga 200 ahatwarira ibikombe
21 harimo Champions League 5.
